நன்றி

ஊதியம் வாங்குகிற ஏழாம் தேதிக்கு முன் வருகிற என் அப்பாவின் அழைப்பிற்கு அடுத்த நாள் மணியார்டர் செய்யப்பட்டிருக்கும் என் ஒரு மாத சம்பளம்....

அப்படி அகப்பட்டுக் கொண்ட ஒரு மாதத்தில் கட்டப்பட வேண்டிய கல்லூரிக் கட்டணம் கவலையைத் தர நீ நோட்டுப் புத்தகத்தில் மறைத்துத் தந்த மூன்று ஆயிரம் ரூபாய் நோட்டுக்களில் சிந்தியது என் கண்ணீர் மட்டுமல்ல நன்றியும் தான்....

கனவு மெய்ப்பட...

மாத சம்பளத்திற்கு மடி ஏந்தும் நிலை மாறும்போது
என் கனவுகளுக்கு கால் முளைத்திருக்கும்.

புலம்பல்ஸ்

இரவின் மடியில் உலகம் உறங்கும் வேளை நான் விழித்துக்கொள்கிறேன்
இயற்கையோடு சண்டையிட்டே வாழ்ந்து தொலைக்கிறேன்
என் பகலெல்லாம் இருண்டு போகுது ஒன்னும் புரியலை
இன்னும் எத்தனை இரவுகள் இப்படி நீளும் அய்யோ தெரியலை...

தொலைந்து போனது ஒரு காலம்

அகல விழிகள், ஓரப் பார்வை என வசீகரமாய் இருந்தாய், நம் கவிதைகளுக்கான கருத்துக்களை முதன்முதலாய் பரிமாறிக்கொண்ட போது....

அடுத்தடுத்து பேச வாய்ப்புகள் வந்த போது தவிர்த்திருக்கிறேன்!! அதையும் மீறி பேச ஆரம்பித்தபோது வியர்த்திருக்கிறேன்!!........

ஒரு நாளின் பாதி நேரம் கல்லூரி, மீதி நேரம் அதன் நினைவுகள் என நான் மட்டுமே நிறைந்திருந்ததாய் ஓர் உணர்வு....

நீ யாரையோ பார்க்கிற எல்லா நேரமும் நான் உன்னையும், நீ என்னைப் பார்க்கிற சில நேரம் யாரையோ என பார்த்து, கரைந்து, தொலைந்து போனது ஒரு காலம்....

ஓர் ஊமைக் காதல்

உன் விரல் தொட்ட அந்த நொடி;

உன் இடை தொட்ட என் விரல்கள்;

முத்தமிட்ட நம் இதழ்கள்;

அழுதே அடங்கிய கண்ணீர்;

பிரிய மறுத்த நம் பிரியங்கள்;

இவை அத்தனையின் சாட்சியாய்

முடிந்து போனது ஓர் ஊமைக் காதல்!!!

போதை

குடிப்பதை நிறுத்துவது எப்படி என குடித்துவிட்டு விவாதித்துக் கொண்டிருக்கிறார்கள் நண்பர்கள்... இவர்களுக்கு மத்தியில் குடிக்காமல் இருப்பதும் கூட போதை தான்....