நடைபிணங்கள்

பசிக்கான உணவு; தேடலுக்கான கல்வி

உரிமைக்கு உலை வைக்காத அரசியல்

விலை பேசி விடாத வளர்ச்சி

சாதியில்லா சமூகம்; இருட்டிலிருந்து வெளிச்சம்;

விளைச்சலுக்கு தண்ணீர் – என

அத்தனைக்கும் போராடுகிற தேசத்திலிருந்து

தேசத்திற்காய் போராடிய உங்களுக்கு

உதவாமல் போனது எங்களின் இயலாமை தான்

ஆனாலும் செத்துப்போனது முத்துக்குமார் மட்டுமல்ல

நாங்களும் தான்.. இப்போது நடைபிணங்கள் அவ்வளவே...